Ekki sáttur.

Lífeyrissjóðir eiga ekki að kaupa í Icelandair Group hf það er ekki góð fjárfesting að fjárfesta í flugfélagi núna á þessum tímum umbrota og kreppu!

Lífeyrissjóður bænda keypti í flugfélagi á sýnum tíma og tapaði gríðarlegum fjármunum!

Hvernig hefur Icelandair gengið undanfarin ár? eru það félag því fýsilegur kostur til fjárfestinga?

Ekki myndi það hvarfla að mér að fjárfesta í Icelandair!

Spenntir fyrir Icelandair

Athugasemdir

[Margrét Elín Arnarsdóttir, 29.6.2010 kl. 11:44]

Icelandair gengur reyndar mjög vel og er búið að standa af sér ótrúlega hluti s.s. 9/11, alheimskreppu og eldgos - og er eitt best rekna flugfélag í Evrópu!

[Sumarliði Einar Daðason, 29.6.2010 kl. 12:51]

Ég varð að skoða afkomu fyrirtækisins og rakst á þetta:

http://www.icelandairgroup.com/servlet/file/item.pdf?ITEM_ENT_ID=436478&COLLSPEC_ENT_ID=808

Þar stendur að þeir hafi tapað hátt í tvo milljarða fyrstu þrjá mánuði ársins 2010. Óvarlega má áætla að tapið geti farið upp í 8 milljarða á öllu árinu þar sem tapið er aðallega fólgið í fjármagnsliðum.

[Margrét Elín Arnarsdóttir, 29.6.2010 kl. 13:37]

Fyrstu þrír mánuðir ársisn eru slöppustu mánuðir ársins sem síðan vinnast upp sumarið...

[Sumarliði Einar Daðason, 29.6.2010 kl. 13:50]

Regluleg starfsemi skilaði hagnaði. Eins og ég skil efnahagsreikninginn þá eru þetta fjármagnsliðir og afskriftir sem valda þessu tapi sem fara lítið eftir árstíðabundnum sveiflum. Það er ekkert sérlega mikill hagnaður af þessum rekstri miðað við þessar tölur. Eftir því sem meira verður að gera þá hækkar að sjálfsögðu kostnaðurinn við olíukaup, viðhald og starfsfólk. 

[Margrét Elín Arnarsdóttir, 29.6.2010 kl. 13:58]

Já fyrrum eigendur fyrirtækisins fóru ansi illa með það, en það breytir ekki því að fyrirtækið er vel rekið og veltan er gríðarleg, svona á íslenskan mælikvarða;)

[Margrét Elín Arnarsdóttir, 29.6.2010 kl. 14:00]

Þrátt fyrir að olíukaup, viðhald og launakostnaður aukist þegar meira er að gera þá skilar það sér samt sem áður í auknum tekjum, annars myndu flugfélög almennt varla reyna að laða að sér farþegar er það?:)

[Sumarliði Einar Daðason, 29.6.2010 kl. 14:14]

Icelandair er solid félag og með sterka ímynd. Reglulegur rekstur þess gengur vel. Hins vegar er það ekki "besti fjárfestingakostur í heimi" þar sem skuldir eru alltof miklar og það starfar í íslensku fjármálaumhverfi sem er eins og spilavíti.

Ég held að að gagnrýni flestra á þessi kaup lífeyrissjóðanna stafi af því að sjóðirnir eru tregir að leggja fram fé til opinberra framkvæmda með íslenska ríkið sem ábyrgðarmann, en kaupa svo stóran hlut í flugfélagi sem er áhættusöm fjárfesting (þar sem engin baktrygging er til staðar). Taprekstur þýðir einfaldlega verðmætarýrnun hluthafa. 

[Margrét Elín Arnarsdóttir, 29.6.2010 kl. 15:10]

Já ég get held ég ekki annað en tekið undir þetta síðasta hjá þér!

[Sigurður Haraldsson, 29.6.2010 kl. 19:04]

Flott umræða hjá ykkur, hafið þökk fyrir