Tími til kominn!

Bændur eru deyjandi stétt ástæðan er kvótaverð sem ekki nokkur nýbúi ræður við að kaupa því er endurnýjun í landbúnaðinum nánast enginn og flestir sem eru að reyna að búa miðaldra eða útslitinn gamalmenni!

 

Ungir ofurhugar í bændastéttinni hafa reynt að stækka búin með hörmulegum afleiðingum skuldir upp í rjáfur og þrældómur sem bankarnir stjórna vegna okurlána sem aldrei verða greidd að fullu.

Öll viðskipti með mjólkurkvóta stöðvuð

Athugasemdir

[Tómas Waagfjörð, 18.5.2010 kl. 02:57]

Hef aldrei skilið hvernig þetta bændakerfi virkar, af hverju geta bændur ekki framleitt eins mikið og þeir vilja á meðan þeir geta selt það. Af hverju þarf ríkið að borga milljarða ofan á milljarða til bænda og einu sem sjá einhvern hagnað eru smásalarnir og sláturhúsin. Og af hverju í helv er urðað kjöt á hverju ári í stað þess að selja það allt á lægra verði svo að fólk eins og ég og margir fleiri geta leyft sér að borða góða máltíð reglulega í stað eingöngu á hátíðisdögum. Og af hverju í helv er fiskurinn okkar ódýrari í útlöndum eftir að það er búið að senda hann þangað með flugi heldur en ég get keypt hann á út í búð. Spurningar spurningar, engin góð svör frá valdhöfum, alltaf bara einhverjar orðaflækjur um ekki neitt.

Ég vil minn mat án rotvarnarefna, beint af bónda, en það er svo gott sem bannað. Og mjólkurkvóti, hverslags bull er það, ef það þarf að notast við einhvern kvóta þá á einföld regla að gilda. Ef þú notar hann ekki þá missirðu hann. Sama með fiskinn.

En auðvitað er kerfið byggt upp svo að valdir einstaklingar græði sem mest á almennum borgurum, ógeðslegt.

Kominn tími til að fólk vakni upp við vondan draum og geri sér grein fyrir því að það eru ennþá til þrælar, það kallast að vera almennur borgari á lágmarkslaunum sem rétt duga fyrir þaki yfir höfuðið, farartæki til að komast í vinnuna og mat til að lifa daginn af, og kannski hægt að nurla saman einhverjum aurum til að skoða eitthvað útlandið á nokkurra ára fresti. 

[Sigurður Haraldsson, 18.5.2010 kl. 09:44]

Tómas milliliður sem sér um úrvinnslu og flutning á afurðum tekur oft tvöfalt það verð sem bóndinn fær, ástæðan eru hvítflibba menn sem taka ofurlaun og hár fjármagnskostnaður með gífurlegum reglugerðum um gæði þess sem er verið að framleiða.

Eitt er það sem ég sem bóndi gat aldrei skilið að þegar ég sendi kú á sláturhús kom hún aldrei fram sem kýrkjöt heldur sem fyrstaflokks nautakjöt eða nautahakk þar var milliliðurinn að stela mismun á verði því að ég fékk aldrei nema 1/3 af verði nautsins fyrir kúnna, svör við þessu voru aldrei á reiðum höndum.