Að öllu ó breyttu.

Að öllu ó breyttu þá hefðu ekki nema örfáir náð að borga alla þá upphæð af erlendu lánunum sem bankarnir fóru fram á en eftir dóm hæstaréttar þá getur allur þorri viðskiptavina gert það því ætti að áætla að útkoman væri betri þegar til lengri tíma er litið!

Afsláttur af eignum dugar ekki til

Athugasemdir

[Guðmundur Ásgeirsson, 27.6.2010 kl. 13:38]

Nákvæmlega, raunvirði þessara lána lækkar eflaust lítið sem ekkert við dóm hæstaréttar, því hann tryggir líklega fullar endurheimtur af þeim langflestum. Að öðrum kosti hefði stór hluti skuldaranna orðið gjaldþrota og endurheimturnar hefðu orðið litlar sem engar. Samkvæmt gögnum frá Seðlabanka og AGS virðast öll svokölluð "erlend lán" hafa verið flutt yfir í nýju bankana á hálfvirði, svo það er erfitt að sjá hvað vandamálið er. Eina skýringin sem mér settur í hug á hræðsluáróðri stjórnvalda er að þau séu að gæta hagsmuna bankastéttarinnar, en kaupaukar í nýju bönkunum taka mið af því hversu miklar endurheimtur nást af útistandandi skuldum. Svo má auðvitað líka láta detta sér í hug allskyns samsæriskenningar um leynisamninga og íhlutun AGS o.s.frv. en það liggur ekki fyrir neitt um slíkt á þessari stundu.

[Sigurður Haraldsson, 27.6.2010 kl. 14:35]

Hætt er við að bankarnir hafi reiknað með að fá mun meira út úr erlendu lánunum en þeir fá samkvæmt dómi.

[Marinó G. Njálsson, 27.6.2010 kl. 16:39]

Sigurður, bankarnir ætluðu að láta gengistryggðu lán vera uppistöðuna í hagnaði næstu ára og gefa kröfuhöfum hlutdeild í þeim hagnaði.  Ekki sem arðgreiðslu heldur sem beinar greiðslur.  Þetta var gert með því að færa alla gengisbreytingu frá dagsetningu stofnefnahagsreiknings inn á afskriftarreikning.

[Sigurður Haraldsson, 27.6.2010 kl. 19:05]

Marinó það er það sem mig grunar að þeir hafi gert enda hefur engin svarað því hver á bankana sem eru í eigu erlendra kröfuhafa, því læðist að mér sá grunur að það séu sömu menn og stálu af okkur milljörðum sem eru eigendur með aðrar kennitölur á bak við sig og stjórnvöld verji þá eins og þau hafa alltaf gert!

Hvers vegna fáum við ekki svör við því hverjir séu raunverulegir eigendur bankana?

[Guðmundur Ásgeirsson, 27.6.2010 kl. 23:51]

Sigurður: lánabók Kaupþings er á WikiLeaks og þar má sjá hverjir stærstu kröfuhafarnir eru, með fyrirvara um afstöðu skilanefndar til einstakra krafna. Íslenska ríkið er meirihlutaeigandi nýja Landsbankans eftir skiptingu. Ég get því miður ekki svarað neinu um Glitni að svo stöddu.

[Sigurður Haraldsson, 28.6.2010 kl. 01:01]

Takk Guðmundur.