Því miður!

Því miður er veiði á gæsum og öðrum fuglum oft á tíðum miskunnarlaus dráp og margir fuglar fljúga burt með högl í sér og drepast seinna út um allt, einnig hef ég heyrt af veiðimönnum sem hafa sama daginn skotið á annað hundrað gæsir og að halda það að þeir hinir sömu hamfletti eða plokki gæsina er hæpið!

Hirtu bara bringurnar

Athugasemdir

[Jón Snæbjörnsson, 2.9.2010 kl. 08:53]

kanski óþarfi að skilja hræið eftir á víðavangi þó vel hafi gengið eða þannig

[Sigurður Haraldsson, 2.9.2010 kl. 09:04]

Einmitt Jón að skilja eftir sönnunargögn um hvernig margir fara að er ekki gott.

[Guðmundur Zebitz, 2.9.2010 kl. 10:30]

Þó þetta sé sannarlega ekki til eftirbreytni þá held ég að þetta endurspegli ekki megin þorra veiðimanna í landinu.

Nú eru við nokkrir félagarnir sem förum stundum að veiða saman og aflin er æði misjafn. Þó maður hafi heyrt ægilegar sögur af gríðarlegum afla þá höfum við félagarnir nú ekki lent í slíkum uppgripum þrátt fyrir margra ára veiðireynslu og lítum við því svo á að mest af þessum sögum um miin afla séu tröllasögur.

Við fórum t.d. til fjalla nú um daginn og eftir um 6 daga veiðitúr höfðum við veitt um 69 heiðargæsir. Eftir að gæsunum hafði verið skipt niður á veiðihópinn komu um 10 gæsir í hlut hvers. Megin þorri þessara gæsa var bringuskorinn og lærin tekin ásamt einhverju af innyflum s.s. fóarn og hjarta. Rest var reitt og sviðin. Rétt er þá að benda þeim á sem vilja setja út á að ekki sé tekið meira út gæsinni en bringa, læri og smá innyfli að nýtin fólks á aligæsum, aliöndum og kjúkling er almennt ekki meiri en þetta heldur.

Auðvita á að ganga frá þeim úrgangi sem til fellur við veiðar á almennilegan máta. Hræum og fiðri var fargað á þann máta sem við teljum best og verður engum til ama. Í fréttinni var augljóst þeir sem þar hafa átt í hlut hafa ekki gengið frá úrgangi veiða sinna á almennilegan máta. Eitt hefði verið að skilja hræin eftir (ekki mælt með því samt) og refir, minnkar og önnur dýr hefðu séð um að hreinsa afgangin, sem almennt gerist í náttúrunni. Hitt er auðvita fáránlegt að skilja við þetta eins og þeir gerðu í ruslapoka úr plasti sem ekkert hefur að gera á víðavangi út í náttúrunni.

Flestir veiðimenn sem við þekkjum leggja líka áherslu á að týna upp patrónur skota sinna og skilja ekkert eftir sig í náttúrunni sem ekki eyðist á náttúrulegan máta. Eins leggja flestir þeirrá áherslu á að ekki fari særð dýr frá þeim. Þetta er einni kennt á veiðinámskeiðum sem allflestir veiðimenn þurfa að ganga í gegnum til að fá byssuleyfi og veiðikort.

Því miður virðist það samt oft verða þannig að heildin er dæmd út frá nokkrum slæmum einstaklingum, sem er leitt. Það er álíka vitlaust og að halda því fram að allir verktakar á dráttarvélum séu glæpamenn vegna þess að einhver slíkur hefur einu sinni brotið af sér.

Góðar stundir
Bunki

[halkatla, 2.9.2010 kl. 10:44]

Rétt hjá þér Sigurður, stór hluti veiðimanna fylgir ekki reglunum. Amk á því landsvæði sem ég bý á, og ég efast um að þeir séu skárri annarsstaðar.

[Hjörtur Hjartarson (IP-tala skráð) 2.9.2010 kl. 13:10]

Sem betur fer er bara lítill hópur veiðimanna sem eru svona heimskir.

[Sigurður Haraldsson, 2.9.2010 kl. 14:31]

Sælir auðvita vona maður að það sé bara lítill hluti veiðimanna sem hagar sér á þennan máta.

[Marilyn, 2.9.2010 kl. 15:23]

Bunki - ég kalla það nú gott ef veiðimenn hirða bringur, læri og hluta af innyflum því ekki er mikið eftir af gæsinni þá. En að bringuskera og skilja eftir rest (læri, hjarta, lifur og fóarn og reyndar bein líka sem nýtast lang best í soð) ætti að flokkast sem glæpur og slíka veiðimenn ætti að svipta skotveiðileyfinu.

Og það að skilja hræin eftir í plaspoka er náttúrulega ófyrirgefanlegt, menn sem slíkt gera hljóta að vera með greindarvísitölu undir 80 og ættu ekki að fá að meðhöndla vopn af neinu tagi, ekki einu sinni hnífinn sem þeir þó notuðu til að vanvirða bráð sína með. 

Maður á ekki að veiða meira en maður getur unnið úr með góðu móti. 

[Sigurður Haraldsson, 2.9.2010 kl. 17:18]

Hárrétt hjá þér Marilyn

Það er reyndar eitt sem ég ætla að leiðrétta að  innan úr gæsinni er tekið hjarta lifur og fóhorn. Fóarn er maginn og hann hirðum við ekki.