Loksins loksins.

Kemst ég heim sama hvernig veður er á Víkurskarði

Veggjaldið verður hóflegt

Athugasemdir

[au, 9.3.2011 kl. 14:55]

Á móti eyðslu í göng þarna. Suðvesturhorn landsins á að ganga fyrir og peningum er betur varið þar. 70% allra alvarlegra umferðarslysa á sér stað á suðvesturhorninu!!!

[Eiður Ragnarsson, 9.3.2011 kl. 15:13]

Sólveig.. það er ágætt að vera á móti þessu í sjálfu sér, og þá skoðun mátt þú eiga í friði mín vegna, en það eru einnig hættulegir vegir úti á landi, og vetrareinangrun er ennþá til staðar, fyrir utan það að sumir vegkaflar eru ekki hótinu betri en þeir voru fyrir 40 árum..

Er ekki kominn tími á þá?? Ég bara spyr..

Ef við rýnum í tölfræðina þá eru hættulegir vegir ekki síður á landsbyggðinni, og fjöldi slysa á ekna kílómetra, (sem er viðurkennt viðmið í samgöngufræðunum) oft mun meiri en á suðvesturhorninu.

Bara til samanburðar, þá væru nágrannar okkar ekki byrjaðir að nefna tvöföldun vega með sama umferðarþunga og Suðurlandsvegur hefur, það þyrfti að koma til umtalsverð umferðaraukning áður en það yrði einu sinni hugsað eitthvað smávegis..

Við höfum bent á það að t.d. hér í Fjarðabyggð vanti í það minnsta ein göng til að tengja Norfjörð við restina af austurlandinu, og þar með fjórðungssjúkrahús, og verkmenntaskóla, en því verið frestað trekk í trekk vegna meints fjárskorts.. En á sama tím akemur 25% af útlfutningstekjum þjóðarinnar frá Fjarðabyggð..

Margt ber að skoða í þessu, en við eigum að taka tilfinngarnar út og nota tölfræðina, og þar inní kæmi auðvitað fjöldi alvarlegra slysa einnig.

Vandamálið með samgöngubætur er nefnilega þess eðlis að allir vilja fá sitt strax í dag.. Engin er tilbúinn að bíða eða hliðra og allir nota orðræðuna "mér finnst" og " ég tel" án þess að nota fagleg rök

En það er lítið mál að styðja allar ákvarðanir um vegabætur með tölf´æðinni ef að pólitískur vilji væri til þess.

Við myndum nota: öryggi, einangrun, stytting vegalengda, umferðarþunga, möguleika á öðrum leiðum og fleiru mætti bæta við í þessa jöfnu.  Vegurinn yrði síðan metin með þessu móteli, og út kæmi stuðull sem raðaði viðkomandi vegkafla í forgangsröðun... Einfalt faglegt og færi vel með peninginn...

[Sigurður Haraldsson, 9.3.2011 kl. 16:00]

Góð innkoma Eiður hafðu þökk fyrir.

Au við erum að tala um einkaframkvæmd sem verður boðin út og síðan veggjöld til að borga framkvæmdina þannig að það ætti ekki að koma niður á framkvæmdum fyrir sunnan.

[Jón Ingi Cæsarsson, 9.3.2011 kl. 18:27]

Menn hafa unnið sína heimavinnu við Eyjafjörð...en ekki á SV horninu. Þess vegna eru Vaðlaheiðargöng á dagskrá en ekki sumt á SV horninu þar sem deilur hafa tafið mál árum saman.

[Sigurður Haraldsson, 10.3.2011 kl. 11:26]

Sæll og blessaður Jón og velkomin á síðuna, þarna er ég samála þér málið er akkúrat þetta undirbúningur og almennur vilji er fyrir hendi að leysa málin fyrir norðan en ekki bara frekjuhróp og köll ásamt metingi um hvað margir farast á vegunum til viðmiðunar á suðvesturhorninu það er slæm umræða og ekki uppbyggjandi.