Þegar hún gýs!

Þegar þessi eldstöð gýs hvaða afleiðingar hefur það fyrir líf á hnettinum? Væri fróðlegt að fá að vita eitthvað um það  miðað við stærð eldstöðvarinnar!

Yellowstone-eldstöðin stærri en áður var talið

Athugasemdir

[Davíð (IP-tala skráð) 17.4.2011 kl. 19:30]

Þetta er ein þeirra 6-7 eldstöðva sem flokkast undir svokölluð ofur eldfjöll eða "Super Volcano". Vissulega geta gosin í Yellowstone verið misjöfn en fari allt á versta veg má gera ráð fyrir að öskuskýið muni blokka allt sólarljós á stórum hluta hnattarins í allt að 2 ár.

[Guðmundur Ásgeirsson, 17.4.2011 kl. 23:03]

Heimurinn mun allt að því farast.

[Birkir Helgi Stefánsson, 18.4.2011 kl. 00:04]

Seinast þegar ofureldstöð gaus urðu aðeins nokkur þúsund hræður (manneskjur) eftir einhversstaðar í austur-afríku, þetta var fyrir um það bil 73 þúsund árum. Við eigum sameiginlegan forföður frá um það bil þessum tíma segir erfðafræðin okkur, auk þess að jarðlög og frjókornamælingar í jarðvegi segir okkur að eitthvað hafi gosið yfir allt Indland og drepið allan gróðurinn þar. Sumir jarðfræðingar halda því fram að 30 (og upp í 600) cm öskulag hafi þakið Indland.

Sú eldstöð heitir Lake Toba, en eins og stendur er hún bara stöðuvatn á eyjunni Súmötru því að að sjálfsögðu "hrundi" jörðin undir við allan þennan útblástur. Hún mun rísa upp á næstu hundrað þúsund árum.

Það eru nánast engar líkur á því að Yellowstone gjósi á næstu hundrað árum. Margir apakettir hafa apað þá vitleysu eftir öðrum apaköttum að "Yellowstone gjósi á 600 þúsund ára fresti og í dag eru 640 þúsund ár liðin frá seinasta gosi", sem að er ekki rétt. Yellowstone hefur þrisvar sinnum gosið: Fyrir 2,1 milljón árum, 1,3 milljón árum og 640 þúsund árum. Meðaltal milli ára er um 730 þúsund ár - en þrátt fyrir það segir meðaltalið okkur ekki neitt. Yellowstone gæti gosið eftir áratugi eða þúsund áratugi. Það er ekkert hægt að segja til um meðaltal með aðeins þrjár tölur.

[Jón Logi (IP-tala skráð) 19.4.2011 kl. 14:53]

Eldstöðvar okkar eru nánast eins og kartöflupottur við hliðina á Yellowstone, sem er ein svaðalegasta eldstöð jarðar. Og það sem Guðmundur nefnir, - Heimsendi, - er nokk rétt í svona tilfelli. Enda ekki í fyrsta skipti sem slíkt myndi gerast.

Kjarnorkuvetur og algert kollaps siðmenningar er svona ca. það sem myndi gerast. Varla tortíming Homo Sapiens þó.

[Sigurður Haraldsson, 19.4.2011 kl. 18:26]

Takk fyrir innlit og upplýsingar, þetta með eldgos í Yellowstone gat ég gert mér í hugalund hvað myndi gerast því að það er um svo gríðarlega stóra eldstöð að ræða.