Það er eitt til ráða!

Afnema verðtrygginguna og fækka lífeyrissjóðum niður í einn ásamt því að stokka upp í bankakerfinu og hafa tvo banka þá á ég við að byggðastofnun ásamt sparisjóðum og Íbúðarlánasjóð verði lögð af í staðinn verður gott útibúanet fyrir þessa tvo banka! Laun toppana verði lækkuð um tugi prósenta ásamt því að öll risna verði lögð af! Með þessu verður hægt að bjóða lán á þeim kjörum sem almenningur og fyrirtæki ráða við það er að segja lánið lækkar við hverja greiðslu án þess að vera verulegur baggi á viðkomandi! Þeir sem ekki vilja samþykkja þessar tilhaganir vilja viðhalda núverandi mafíu kerfi banka og stjórnvalda sem hér er klárlega allt að drepa ásamt því að að það sérst í iljarnar á þúsundum Íslendinga á leið út í heim í leit að lífsviðurværi.

Heimilin tapa á verðbólgunni

Athugasemdir

[Sigurður M Grétarsson, 24.8.2011 kl. 22:00]

Ekkert af þessu sem þú talar hér um skiptir nokkru sem einhverju nemur í viðleitni til að skapa lántökum betri lánakjör. Lánastofnanir eru eins og verslandir. Þær fá gæði á ákveðnu verði og selja það síðan á hærra verði. Verslanir geta ekki boðið vörur sínar á lægra verði en þær kaupa þær á. Að sama skapi geta lánastofnanir ekki boðið lán á betri kjörum en þær sjálfar geta tekið slík lán á.

Bankar og aðrar lánastofnanir þurfra að  fjármagna langtímalán sín til húsnæðiskaupa með því að bjóða út skuldabréfasöfn til svipaðs langs tíma og þær lana út húsnæðislán. Síðan lána þær til húsnæðiskaupenda með hærri vöxtum en þær sjálfar þurfa að greiða af þessum skuldabréfasöfnum. Vissulega getur lægri rekstrarkostnaður lánastofnanna gert þeim kleift að hafa þennan vaxtamun lægri en ella en vandamálið hér liggur ekki í óeðlilega miklum vaxtamun heldur liggur hann í þeim kjörum sem þessum lánasöfnum bíðst.

Þá komum við að þeim lánakjörum sem þessum lánastofnunum bíðst. Það eru fyrst og fremst lifeyrissjóðirnir sem eru lánveitendur bankanna. Það er hins vegar ekki rekstrarkostnaður lífeyrissjóðanna sem ræður því hvaða kjör þeir eru tilbúnir að kaupa húsnæðisbréf bankanna eða Íbúðalánasjóðs á. Það eru fyrst og fgremst þau kjör sem lífeyrissjóðunum bjóðast í annars konar fjárfestingum sem ráða því hvaða kjör þeir geta sætt sig við á íbúðabréfum. Þar einfaldlega vega þeir og meta þessa kosti með tilliti til áhættu og þá bæðí innlenda og erlenda fjárfestingakosti og bjóða í útboðum húsnæðisbréfa í samræmi við það mat. Það sama á við um aðra fagfjárfesta sem bjóða í húsnæðisbréfin.

Það eru því fyrrst og fremst þau kjör sem lífeyrissjóðum og öðrum fagfjárfestum bjóðast í öðrum fjárfestingakostum sem ráða þeim kjörum sem lánastofnanir geta boðið í lánum til húsnæðiskaupenda. Rekstrarkostnaður lánastofnanna og lífeyrissjóða hafa mun minna að segja þó vissulega telji þeir þættir líka.

[Sigurður Haraldsson, 24.8.2011 kl. 22:19]

Sæll já samt sem áður er þetta í áttina til betri lánveitinga og minni rekstrarkostnaðar kerfisins að fækka stofnunum sem lána og lífeyrissjóðum sem fjárfesta oft á tíðum fáránlega og það bara af ákvörðun ör fárra einstaklinga sem halda að þeir eigi féið sem þeir manga með! Hvernig fór fyrir bakakerfinu þrátt fyrir að það hafi haft verðtryggingu og okur vexti í ára tugi? það eitt segir okkur að verðtrygging og okurvextir eru ekki af hinu góða til að halda þessu dýra kerfi uppi og ör fáum gráðugum stjórnendum þess. Fyrirséð er að lífeyrissjóðir landsins verð allir tómir innan fárra ára með sama áframhaldi og bruðli innan þess svo ekki sé talað um allan þjófnaðin sem á sér stað þar á bæ eins og í bankakerfinu! Við megum ekki sitja hjá og horfa á eftir öllu þessu fjármagni eins og við gerðum í aðdraganda bankahrunsins!

[þórarinn axel jónsson (IP-tala skráð) 24.8.2011 kl. 22:25]

Lántakendur sitja í djúpum skít og þeim mun ekki verða hjálpað. þeir sem eiga pening og þá er ég að tala um lánastofnarnirnar og lífeyrissjóðina vilja ekki heyra minnst einhverjar afskriftir hjá þessum venjulega jóni en hjá séra jóni er ekkert mál að fella niður. eins og segir í laginu steldu nógu miklu þá semja þér við þig..

[Sigurður Haraldsson, 24.8.2011 kl. 22:53]

Sæll Þórarinn það er málið og hægt að segja með sanni að það sé landlægur andskoti hjá okkur hvað þeir sem stela stóru upphæðunum komast upp með það og halda ótrauðir áfram fyrri yðju á annarri kennitölu og í öðrum eignarhaldsfélögum keyrandi um á Porce jeppunum!

[Óskar Helgi Helgason (IP-tala skráð) 24.8.2011 kl. 23:27]

Heill og sæll Sigurður; sem og aðrir getsir, þínir !

Þakka; ykkur Þórarni Axel báðum, fyrir að reyna, að koma vitinu fyrir Sigurð M Grétarsson, hinn ágæta Kópavogs búa, sem flæktur er í net eigin sjálfhverfu, líkt og hinir ágætu heittrúuðu Gyðingar, við Grátmúrinn, suður í Jerúsalem - sé dæmi tekið, af trúarlegum vettvöngum, þessa Heims .

Sigurð M; má telja til þeirra Nátt trölla, sem sjá alls ekki - né skilja, að Lífeyrissjóða óskapnaðurinn, er ómerkilegt manna verk, ekki náttúrulegt, að uppruna.

Sigurður M; blessaður lætur - eins og ekkert hafi skeð, Haustið 2008, hérlendis - eða; það má ráða alla vega, af hans furðulegu viðhorfum, piltar.

Með beztu kveðjum, úr Árnesþingi - sem jafnan /

Óskar Helgi Helgason   

[Sumarliði Einar Daðason, 24.8.2011 kl. 23:35]

Sigurður M. Grétarsson, lífeyrissjóðir eru orðnir alltof stórir hér á landi og eru alltof stórir í þessu lokaða hagkerfi okkar þannig að það má alls ekki taka mið af því hvað þeir setja upp.

Þess fyrir utan eru stjórnendur þeirra spilltir og nýta þetta gríðalega fjárstreymi í hverjum mánuði til þess að hylla undir einkavini og í grófum tilfellum sjálfan sig

Þeir eru stöðugt búnir að vera að tapa og rústa samkeppnisstöðu á markaðnum innanlands með geðþóttaákvörðunum. Ef þeir eiga að vera leiðandi í arðsemiskröfu fyrir t.d. íbúðalánasjóð og banka þá getum við alveg eins sameinað Ísland Norður Kóreu, sem er kannski að verða of seint því ég sá í fréttunum að Norður Kórea er að gera samninga við nágrannaþjóðir sínar.

[Óskar Helgi Helgason (IP-tala skráð) 24.8.2011 kl. 23:35]

gestir; átti að standa þar. Afsakið; Helvítis fljótfærnina !

ÓHH

[Sumarliði Einar Daðason, 24.8.2011 kl. 23:36]

Þetta á ekki við alla lífeyrissjóði sem ég nefni hér að ofan, bara þá stærstu og spilltustu!

[Sigurður Haraldsson, 24.8.2011 kl. 23:51]

Sælir Óskar og Sumarliði, Flottur Óskar eins og ávalt og þakka innlit.

Sumarliði það á ekki að skipta máli þeir verða að sameinast í einn fyrr getum við ekki sofið róleg því að ekki viljum við tapa þessu kerfi eins og það á að vera upp byggt en það er einmitt vandamálið sjóðirnir eru að éta sjáfa sig innanfrá með sama áframhaldi, bankarnir eru búnir að því einu sinni og eru á góðri leið með að gera það aftur því að ekkert hefur breyst á þeim bænum!

[Sigurður M Grétarsson, 25.8.2011 kl. 09:41]

Óskar Helgai. Ég geri mér fyllilega grein fyrir því hvað gerðist hér árið 2008. Ég geri mér líka grein fyrir því hvaða leiðum stjórnvöldum eru fær til að takast á við þann vanda sem þeir atburðir ollu þar með talið þeim takmörkunum sem stjórnarskráin setur í því efni. Það er meira en margir hinna sjálfskipuðu hagsmunagæsluaðila heimilanna virðast gera sér grein fyrir. Eins og Þórarinn Axel bendir á þá neita lánveitendur að afskrifa skuldir sem eru innheimtanlegar og meðan eignarréttarákvæði stjórnarskrárinnar kemur í veg fyrir að stjórnvöld geti neytt þá til þess þá er þetta lokuð leið. Það þjónar engum tilgangi að halda áfram að krefjast þess að farin sé lokuð leið í stað þess að leita lausna í þeim leiðum sem eru opnar og standa til boða. Það bætir ekki hag skuldugra heimila né hjálpar til við að reysa efnahagskerfi okkar úr þeirri lægð sem það er í. Þegar við það bætist að flöt niðurfelling skulda er með eindæmum óskilvirk leið til að takast á við skuldavanda heimila þá er það einungis til óþurftar við núverandi aðstæður að vera með herferð í gangi til að fá stjórnvöld til að fara þessa leið sem þau ofan í kaupið hafa ekki vald til að fara.

Sigurður Haraldsson. Það var ofþennsla bankanna á erlendum markaði sem kom þeim á hausinn en ekki lánastarfsemi þeirra á innanlandsmakaði. Því var það aldrei möguleiki að verðtrygging lána kæmi í veg fyrir þá kollsteypu.

Sumarliði. Meðan aðrir en lífeyrissjóðirnir sýna húsnæðismarkaðnum ekki meiri áhuga en þeir gera í dag þá eru það einfaldlega lífeyrissjóðirnir sem eru ráðandi. Ef það á að koma í veg fyrir að þeir séu ráðandi á markaðnum þarf að vekja áhuga annarra fjárfesta á þessum markaði. Það verður ekki gert með afnámi verðtryggingar eða með lögþvinguðri lækkun vaxta og þaðan af síður með því að taka af fjárfestum eignir með því að lögþvinga lækkun lána. Það sem hefur gerst einu sinni getur alltaf gertst aftur og því hræða sporin.

Að lokum. Hvað lánakjör á markaði varðar þá er það einfaldlega lögmál að menn verða að sætta sig við annð af tvennu. Annað hvort ráðast lánakjörin á markaði eða að almenningur niðurgreiðir lánin með einhverjum hætti. Það getur annað hvort gerst með þeim hætti að skattgreiðendur hreinlega niðurgreiði þau eins og er raunar gert í vaxtgabótakerfinu gagnvart eignarlitlum lántökum með lágar tekjur samanborið við vaxtgagreiðslur eða til dæmis með því að þvinga lífeyrissjóðina með lögum til að setja ákveðin hluta eignarsafns síns í húsnæðíslán á tilteknum kjörum. Ef þau kjör eru lakari en lífeyrissjóðirnir gætu fengið annars staðar á markaði þá felst niðurgreiðsla sjóðsfélaga í þvi að lakari ávöxtun leiðir til þess að þeir fá lægri lífeyrir þega þar að kemur en þeir hefðu ella fengið.

Menn geta alltaf karpað um það hvað er sanngjarnt og hvað ekki en menn verða að gera sér grein fyrir þeim valkostum sem eru í boði og hverjar eru afleiðingar þeirra leiða sem menn eru að krefjast.

[Sigurður Haraldsson, 25.8.2011 kl. 10:32]

Hjá hverjum starfar þú Sigurður því að engu líkara er að þú starfir hjá bankakerfinu og lífeyrissjóðum, að tala um ofþennslu bankana á erlendum markaði fyrir hrun er of mikil einföldun fyrir það sem gerðist hjá okkur og það sem er að gerast núna því kerfið er rekið á tveim kennitölum í bankageiranum og með yfir tvöföldum kostnaði því að sem dæmi þá hafa nú þegar farið margir milljarðar í nokkra toppa sem stjónra þessu bákni frá því 2008 og það eitt segir okkur að það er ekki allt með felldu því ber okkur að stöðva þetta ferli nú þegar áður en það verður um seinan skaðinn er nú þegar orðin nær óbætanlegur en þarf ekki að enda í algeru hruni eins og allir hugsandi menn sjá að er framundan!

[Óskar Helgi Helgason (IP-tala skráð) 25.8.2011 kl. 12:31]

Komið þið sælir; á ný !

Sigurður M Grétarsson !

Enn; hengir þú hatt þinn, á einhverjar meintar ófærur.

Bendi þér á; hafi fram hjá þér farið - að það ríkir neyðarástand, hjá þorra fólks í landinu, og þar með VERÐUR að opna ALLAR gáttir, til þess að leiðrétta það óviðunandi ástand, sem nú ríkir.

Reyndu ekki; að halda á lofti, þeim firrum, sem þú reynir (eins; og í athugasemd nr.10 - hér, efra), með innihaldslausu rausi, valda stéttinni til afbötunar, ágæti drengur.

Farðu svo; að stíga ofan af Pýramída vina þinna, í hinni dæmalausu ''Sam fylkingu'' - og viðurkenndu, hið óhjákvæmilega, sem gera þarf, til þeirra úrbóta, sem dygðu.

Það er að segja; að brjóta þarf upp ALLA stjórnskipunina - frá A - Ö, ekki bara; A - Z, Sigurður minn.

Vona; að þú áttir þig, á sjónarmiðum okkar hinna, þar um.

Með; þeim sömu kveðjum - sem fyrri /

Óskar Helgi Helgason 

[Sigurður M Grétarsson, 26.8.2011 kl. 09:26]

Sigurður Haraldsson. Nú leggst þú eins og svo margir aðrir í þá lágkúru að "fara í mannin en ekki boltann" þegar þú ert að ásaka mig um að skrifa vegna hagsmunatengsla. Bara til að segja þér það þá vinn ég ekki hjá banka eða fjármálastofnun og hef ekki gert lengi. Síðasta fjármálastofnun sem ég vann hjá hér Útvegsbanki Íslands og ef þú þekkir söguna þá veist þú að þá er ansi langt síðan. Ég vil líka taka það fram að engin mér nákominn vinnur hjá banka.

Það er vissulega rétt hjá þér að spilling innanlands átti þátt í falli bankanna þó það hafi verið ofþennsla þeirra á erlendum mörkuðum sem var aðalástæða falls þeirra. Verðtrygging fjárskuldbindinga átti hins vegar engan þátt í því.

Óskar Helgi. Ég geri mér fulla grein fyrir því að fjöldii heimila er í vanda. Það er þess vegna sem ég skrifa gegn hugmyndum um lausnir sem gagnast fyrst og fremst betur stöddum heimilum sem ekki eru í neinum vanda en verr stöddu heimili þurfa að fjármagna eins og önnur heimili í gegnum skattkerfið þvi megnið af kostnaðinum leggst á ríkissjóð.

Það er nákvæmlega þess vegna sem ég er að reyna að berjast fyrir því að farnar séu leiðir sem beint er sérstaklega að illa stöddum heimilum og að betur stöddu heimilin séu látin bíða. Ef einhvaerjir þurfa að koma niður úr einhverjum "pýramída" þá eru það þeir sjálfskipuðu hagsmunabaráttumenn heimilanna sem gera ekkert annað en að gera kröfur um aðgerðir sem fyrst og fremst gagnast betur stöddum heimilum en auka á vanda verr stöddu heimilanna.

Þær aðgerðir sem stjórnvöld hafa farið í ganga einmtt flestar út á það að hjálpa verst stöddu heimilunum. Fyrir það eru þau úthrópuð og ranglega ásökuð um að hafa svikið kosningaloforðin um að "slá skjaldborg um heimilin". Vissulega má gera betur en það er alveg á tæru að það að fara að tillögum aðila eins og Hagsmunasamtaka heimilanna mun gera ástandið verra fyrri verst settu heimilin en ekki bæta það eins og margir virðast halda.

[Sigurður Haraldsson, 26.8.2011 kl. 11:42]

Sæll Sigurður leiðin sem farin er kemur niður á öllum sem skulda því að staðreyndir ljúa ekki! Allir sem skulda í heimilum og fyrirtækjum ráða ekki við afborganir með sama áframhaldi og þá tapa allir ekki bara heimili og fyrirtæki líka bankar, líffeyrissjóðir, ríkið og þú!

[Óskar Helgi Helgason (IP-tala skráð) 26.8.2011 kl. 12:02]

Komið þið sælir; sem fyrr !

Sigurður M Grétarsson !

Ef; alvarleiki mála, væri ekki með þeim hætti, sem raun ber vitni, mætti kalla síðustu andsvör þín, í skársta falli brosleg - eða kúnstug.

''Hjálpræðið'' ; til handa heimilunum, hefir falist í því, að skera Sjóvá - Sparisjóð Keflavíkur; auk ótölulegs fjölda annarra gæðinga, þeirra Jóhönnu og Steingríms, niður úr snörum sínum.

Þú skalt ekki reyna; Sigurður M, að bera á borð fyrir okkur, aðra eins þvælu, og þú gerir, hér að ofan.

Til dæmis; er 110% leiðin gáfulega, að stefna í 150 - 200%, af hálfu þessa packs (Árna Páls - Jóhönnu og Steingríms), sem verið er að ljúga inn á landsmenn þessa dagana, unnvörpum.

Annað hvort; biður þú okkur afsökunar, á skrök sögum þínum Sigurður, eða viðurkennir mistök þín, í þátttöku, þessarra umræðna.

Ég hefi ekki vitað annað eins; og það, sem þú berð á borð, hér á vef nafna þíns, Sigurður M Grétarsson.

Með sömu kveðjum - sem fyrri /

Óskar Helgi Helgason 

[Sigurður M Grétarsson, 26.8.2011 kl. 20:32]

Sigurður. Þær leiðir sem farnar hafa verið hafa hjálpað þúsundum heimila að komast út úr skuldavanda. Vissulega má gera betur. Það hjálpar hins vegar ekki heimilum í skuldavanda að fara leiðir sem kosta skattgreiðendur offjár, líka heimilin í skuldavanda, og létta fyrst og fremst greiðslubyrði lána hjá þeim heimilum sem eru ekki í skuldavanda. Slíkt gerir bara illt verra.

Óskar. Ég hef engu logið og hef því ekkert til að biðjast afsökunar á. Hvað 110% leiðina varðar þá er hún þó mun skilvirkari og ódýrari leið til að hjálpa heimilum í skuldavanda heldur en almenn lækkun lána. Þar að aukik var búið að gera ráð fyrir 110% leiðinni í þeim afföllum á verði lánasafna gömlu bankanna við sölu til nýju bankanna enda litið á það sem tapað fé. Það var hins vegar ekki gert ráð fyrir lækkunum lána til þeirra sem eru borgunarmenn fyrir sínum lánum og því hefði slík lækkun bitnað á eigin fé nýju bankanna og þá hefði ríkissjóður þurft að dekka það með meira eiginfjárframlagi en það hefur þetgar lagt þeim til.

Húsnæðisverð er líka á uppleið eins og almennt verðlag og því er ekki víst að skudlirnar hækki umfram 110% þó lánin hækki. Ef slíkt gerist þá getur þurft að gera betur. Það þarf þó að finna leið til að fjármgna frekari lækkun lána. Getur þú bent á aðra fjármögnunarleið en að láta skattgreiðendur greiða fyrir hana?

Ég veit ekki til þess að Árni Páll, Jóhanna og Steingrímur hafi verið að ljúga miklu að þjóðinni. Þó má vera að ekki hafi allt verið satt sem þau hafa sagt. Hitt er þó alveg öruggt að hinir sjálfskipuðu hagsmunagæslumenn heimilanna í Hagsmunasamtökum heimilanna hafa logið mun meiru en þau.

Það sem ég ber hér á borð eru einfaldlega staðreyndir málsins. Það hefur ekki þótt til sæmdar að ráðast að boðbra illra tíðinda. Staðreyndn er sú að það er ekki til og hefur aldrei verið til leið til að framkvæma flata lækkun skudla heimilanna öðruvísi en að skattgreiðendur þurfi að borga brúsan að mestu eða öllu leyti.

[Óskar Helgi Helgason (IP-tala skráð) 26.8.2011 kl. 21:05]

Komið þið sælir; á ný !

Sigurður M Grétarsson !

Vinsamlegast; lestu betur, áður en þú reynir - einn ganginn enn, að réttlæta tilveru Stjórnarráðs gerpanna, í okkar samfélagi, drengur !

Hvergi; sagði ég þig ljúga, nokkru til - heldur; skaðræðis kykvendin : Árna Pál - Steingrím og Jóhönnu, svo fram komi.

Farðu; að jarðtengjast, dreng tetur (sá; gul/græni, í hús rafmagninu, manstu nokkuð, eftir þeim vír - í flórunni ?) !!!

Með; kveðjum samt - sem áður, þrátt fyrir sljóleika S.M. Grétarssonar, í eftirtekt /

Óskar Helgi Helgason 

[Sigurður Haraldsson, 26.8.2011 kl. 21:32]

Sigurður lán á að vera þannig eins og í öðrum löndum að þú borgar og það lækkar en ekki eins og hjá okkur það hækkar sem dæmi þá tekur þú lán 20 miljónir til fjörtíu ára verða 120 miljónir það er rán en ekki lán!

[Sigurður M Grétarsson, 27.8.2011 kl. 09:15]

Óskar Helgi. "Annað hvort biður þú okkur afsökunar á skrök sögum þínum Sigurður eða viðurkennir mistök þín". Þetta er bein tilvitnun í orð þín hér að ofan og get ég ekki skilið þetta öðruvísi en að þú sért að væna mig um lygi.

Mér sýnist að það sé ekki ég heldur þú og Sigurður sem þurfið að konast niður á jörðina. Til að byrja með þurfið þið að komast út úr þeim draumaheimi að hægt sé að lækka öll húsnæðislán án þess að það verði skattgreiðendur sem borgi fyrir það að mestu eða öllu leyti. Þið þurfið líka að átta ykkur á því að það eru fyrst og fremst bertur stöddu heimilin sem eru ekki í skuldavanda sem hagnast á því að heimilin sem eru í skuldavanda þurfa að borga brúsan sem skattgreiðendur. Slíka aðgerð gerir því illt verra.

Sigurður Haraldsson. Það er alltaf hægt að setja upp eihver prinsipp um það hvað er réttlátt en verra getur verið að koma því í kring. Það er hins vegar staðreynd sem við komumst ekki hjá að til aðeinhver geti fengið lán átilteknum kjörum þá þarf einhver að vera tilbúinn til að lána honum á þeim kjjörum. Þar stendur einmitt hnífurinn í kúnni vaðandi þau lánakjör sem þú og HH vilja koma á.

Höfum það í huga að lánastofnanir sem lána húsnæðislán eru ekki að lána eigin fé heldur taka þær fé að láni til að lána út með vaxtaálagi til að reka sig og dekka útlánatöp.

Það er meiginkrafa lánveitanda að fá lán sín greidd til baka með sama raungildi að viðbættum vöxtum og er það sjálfsögð, eðlilg og sanngjörn krafa. Ef einhver lánastofnun reynir að fjármagna íbúðalán sín með útboði á skuldabréfum sem eru með neikvæðum raunvöxtum eða mikilli hættu á að þau verði með neikvæðum raunvöxtum þá mun engin kaupa þau og þar með verður ekkert fé til að lána til húsnæðiskaupa.

Að lokum. Ef yfir tiltekið tímabil verður 100% hækkun á neysluvísitölu, launum og húsnæðisverði, er þá eitthvað athugavert við það að húsnæðisllánin hækki um 100% í samræmi við neysluvísitöluna?

[Óskar Helgi Helgason (IP-tala skráð) 27.8.2011 kl. 13:23]

Komið þið sælir; enn !

Sigurður M Grétarsson !

Þú segir sjálfur; (í athugasemd nr. 1) ''Lánastofnanir eru eins og verslanir. Þær fá gæði á ákveðnu verði og selja það síðan á hærra verði.'' segir þú sjálfur kinnroðalaust, til þess að bera í bætifláka, fyrir þessar alræmdu GLÆPASTOFNANIR, sem iðkað hafa svik sín og pretti - um árartuga skeið.

Getur þú ætlast til þess; að við Sigurður Haraldsson, biðjum þig afsökun ar á, að þú skulir ganga grímulaust, erinda þjófa bælanna, Sigurður M Grétarsson ?  

Mér sýnist; sem þú þurfir að gaumgæfa betur - hvort; þú sért þess al búinn, að ganga erinda viðurstyggilegrar valdastéttarinnar, eða verða maður að meiri, að ganga til liðs við Alþýðuna, eða sýna að minnsta kosti hlutleysi, í umræðunni, héreftir.

Svo; skaltu ekki dirfast, að kalla Lífeyrissjóða sukkarana, og aðra áþekka þeim ''fagfjárfesta'', eftir meðferð þeirra, á almanna fjármunum, um áratuga skeið.

Enn ein; Andskotans klásúlan - sem frá þínu lyklaborði kemur, Sigurður M ! 

Með hinum sömu kveðjum - sem fyrri /

Óskar Helgi Helgason 

 

[Sigurður Haraldsson, 27.8.2011 kl. 19:00]

Sigurður kemur það eihverstaðar fram að ég ætlist til að öll lán verði færð niður, lán sem klárlega hafa hækkað tugi eða ekki hudruð prósenta á að leiðrétta það er ekki krafa heldur alkrafa og annað mun ekki ganga eftir stendur lánið sem tekið var og það borgað eðlilega niður!
Nei það er ekki þannig ég ætlast til að lán verði borgunarhæf en ekki eins og í dag klárlega okurlán sem á endanum eru rán!

Hver er munurinn á Íslandi og öðrum löndum að hér er verðtrygging reyknuð á höfuðstól vexti og afborganir sem svo leggjast á höfuðstól vexti og afborganir þannig að lánið verður rán! Ef bankarnir geta ekki lánað á eðlilegum kjörum með vaxtamun upp á um 3-6% þá eiga þeir ekki rétt á sér!

[Sigurður M Grétarsson, 27.8.2011 kl. 19:28]

Óskar Helgi. Ég er ekki að bera í bætifláka fyrir fjármálastofnanir eða glæpaklíkur. Ég er aðeins að útskýra hvernig lán fjármálastofnana til húsnæðiskaupa eru fjármögnuð.

Eing og ég hef aftur og aftur reyt að útskýra fyrir þér meira segja þannig að útskýringarnar ættu að vera skuljanlegar öllum með eitthvað á milli eyrnanna þá virðist þú ekki getað skilið það að ég er fyrst og fremst að skrifa gegn aðgerðurm sem munu gera illt verra fyrir þá verst settu þó það gæti hljómað öðruvðisi hhá lýðskrumurum eins og Hagsmunasamtökum heimilanna. Ég er fyrst og fremst að reyna að færa umræðuna inn á brautir sem geta komið verst settu heimilunum til góða og þá gegn leiðum sem hafa þveröfugar afleiðingar og fjölga þannig gjaldþrotum heimila og fjölga heimilum sem eiga ekki fyrir mat.

Það eina sem þú gerir á móti er að dreifa svo rækilega úr skítadreifaranum þínum með ómerkilegu og lágkúrulegu skítkasti um mig og það fólk sem er að reyna að byggja upp íslenskt þjóðfélag án þess að koma með nokkur rök í málinu. Þú gerir ekki einu sinni tilraun til að gagnrýna mín rök með málefnanlegum hætti og benda á veilur í þeim. Það er svol sem skiljanlegt vegna þess að það eru ekki veilur í þeim. Þetta eru einfaldlega staðreyndir málsins.

Hvenær ætlar þú að fara að fjálla málefnanlega um það sem hér er til umræðu og hætta að halda því ranglega fram að ég sé hér einhver málpípa banka og fjármálastofnanna. Staðreyndin er sú að lækkun lána mun lenda á skattgreiðensum en ekki bönkunum því ríkissjóður mun þurfa að koma inn með aukið eigið fé inn í þá ef lánin verða lækkuð því þá verða þeir komnir með neikvætt eigin fé. Öðruvísi verður ekki hægt að tryggja innistæður né að halda þeim gangandi með lágmarks eigin fé.

Sigurður Haralsson. Það er sama hvað menn kalla lækkun lána. Hún kostar sitt og kostnaðurinn lendir á skattgreiðendum að mestu eða öllu leyti. Spurningin snýst því um það hvort það sé skynsamlegt og réttlátt að skattgreiðendur greiði hluta lána fyrir lántaka eða að þeir greiði þau sjálfir. Það eru ekki aðrir kostir í stöðunni.

Verðtrygging er reiknuð með mismunandi hætti út um allan heim en íslenska aðferðin er ekkert eindæmi. Verðtrygging er hluti vaxta og vaxtavextir tíðkast um allan heim og eru talinn eðlilegur hlutur. Ef vextir eru ekki greiddir út heldur bætast við höfuðstólin þá hefur höfuðstollinn einflaldlega hækkað og þá eru vextir reiknaðir af hækkuðum höfuðstól. Það að láta verðtrygginguna leggjast á höfuðstólin er ekki gert fyrir lánastofnanirnar og þær hagnast ekkert á því fyrirkomulagi. Það er gert fyrir lánveitandan til að dreifa greiðslbyrði af raungildi jafnt yfir lánstíman og þannig létta honum greiðslubyrði í upphafi lánstímans sem er oftast erfiðasta tímabilið fjárhagslega hjá heimilum í húsnæðiskaupum.

Vaxtamunur hér á landi á milli húsnæðisbréfa lánastofnana er innan við 1%. Íbúðalánasjóður var fyrir hrun með 0,7% vaxtaálag en bankarnir voru með minna álag en það. Íbúðalánasjóður hefur hækkað þetta álag eitthvað til að fá upp í töpuð útlán og væntanlega eru bankarnir á svipuðu róli. Munurinn er meiri á minni lánum til skemmri tíma og lakari tryggingum. Vaxtamunurinn hér á landi sker sig ekki neitt sérstaklega úr í samanburði við nágrannalönd okkar.

Ef lánin eru okurlán þá eru það ekki bankarnir sem eru að okra heldur þeir sem eru að lána bönkunum. Þetta eru einfaldlega þeir markaðsvextir sem myndast með samspili framboðs og eftirspurnar á lánsfé hér á landi.

Þú hefur ekki enn svarað lokaspurningu minni í síðustu athugasemd minni. Ég bíð enn eftir svari.

[Óskar Helgi Helgason (IP-tala skráð) 27.8.2011 kl. 20:13]

Komið þið sælir - enn; sem fyrr !

Sigurður M Grétarsson !

Um leið; og ég tek undir, með nafna þínum Haraldssyni, o. fl., vil ég, EINN GANGINN ENN, benda þér á, þrátt fyrir torlæsi þitt - að það verður, að KOLLVARPA núverandi þjóðskipulagi; og gera glæpa klíkur flokkanna 4ra, algjörlega skaðlausar almenningi, héðan í frá.

Enn;sýnist mér þú, halda þeirri firru á lofti, að þau Jóhanna og Stein grímur, séu að ''byggja'' hér upp það, sem aflaga hefir farið, en fjarri fer því - þau tóku aðeins, við svika keflum Geirs H. Haarde og Ingibjargar S. Gísladóttur, þann 1. Fbrúar 2009.

Lítill munur; þar á, og finnst mér enn, sem Sigurði Haraldssyni og fleirrum, að þú; jafnt öðrum veruleika firrtum, mættuð fara að tengja ykkur betur við Jörð, í sem víðasta skilningi, berir þú skynbragð á þau orð mín, umfram önnur.

Hvað gerðu ekki Þjóðverjar (af öllum; reyndar), við lok styrjaldarinnar 1939 - 1945. Jú; þeir köstuðu gamla peninga kerfinu fyrir róða, og hófu nýtt, frá byrjun. Og reyndar; ýmsir fleirri.

Hérlendis; mætti alveg taka Ríkisdali og Skildinga upp, á ný - hverjir; frá okkur voru teknir, 1873/1875, í stað Krónu og Aura.

Þó; jafnvel mætti endurnýja Krónuna, á öðrum grunni, en þeirrar ofur græðgi, sem vinir þínir (allra 4ra flokka); Sigurður M Grétarsson, hafa nærst á, til þessa.

Engin launung er heldur; að það eru, um cirka 7000 afætur (stjórnmála- og embættismenn, ýmiss konar - auk Möppu liðs Háskóla kerfis), sem okkur er afar brýnt, að losna við - helzt; með brottrekstri úr samfélaginu, svo takast megi; hugsanlega, að byggja hér upp, að nýju.

Illhryssingur þinn; í garð Hagsmunasamtaka heimilanna, og það þýðingarmikla og óeigingjarna starf, sem þau hafa af hendi leyst, kemur eins og hver annar bjúgverpill til þín, í fang þitt, að nýju - og;er þér lítt til sæmdar.

Enn sem fyrr; - með sömu kveðjum /

Óskar Helgi Helgason   

[Sigurður Haraldsson, 28.8.2011 kl. 09:46]

Kerfið er klárlega rotið og byggt upp til þess að ör fáir einstaklingar hagnist sem mest á því fjórflokkurinn hefur haft það að leiðarljósi að ná sem mestu til sinna einkavina og úrtrásarþjófa á sem skemmstum tíma allt við það sama eftir hrunið engar breytingar og fyrir séð að nú er verið að tæma lífeyrirssjóðina innanfrá eins og bankana! Nú aðhefst ég og gefst ekki upp gegn þessari mafíu því að bara það að geta sagt ég sóð uppi í hárinu á henni verður mér til hugarhægðar í framtíðinni! Ég sá fyrir fall bankana og þjófnað úr þeim og talaði hátt heima í stofu en það voru svo fáir sem hlustuðu og nær eingin trúði því sem var að gerast, staðreyndirnar tala sýnu máli og því skal þetta ekki vera eins einfalt og áður að koma svona aftanað almenningi þökk sé mönnum eins og Óskari Helga Helgasyni og fleiri baráttujöxlum þeir hafa rétta sýn á þvi sem er að gerast!

[Sigurður M Grétarsson, 28.8.2011 kl. 12:42]

Óskar Helgi.  Þú ert svo sannarlega að kasta steini úr glerhúsi þegar þú segir aðra vanta jarðsamband.  Mér sýnist þú vera í hópi þeirra manna sem halda að jólasveinnin sé raunverulega til og geti tekið af sér hluta af skuldum heimilanna. Þú virðist ekki átta þig á því að sá kostnaður mun lenda á skattgreiðendum og þar sem gjöfin verður fyrst og fremst til betur staddra fjölskyldna þá mun það auka vanda þeirra heimila sem eru í versu stöðunni.

Hvað Hagsmunasamtmök heimilanna varðar þá er það einföld staðreynd að þau eru sjálfskipaðir hagsmunagæsluaðilar sumra heimila. Miðað við málfutning þeirra eru þau ekki hagsmunagæsluaðilar verst stöddu heimilanna því ef svo væri væru þau ekki að krefjast aðgerða sem skaða þau. Þessi smtök hafa verið í fremstu röð meðal þeirra sem hafa verið að blekkja þjóðina með þeirri fyrri að hægt sé að nota aflátt af lánasöfnum sem ætlaður er til að dekka útlánatöp vegna slakrar greiðslugetu skuldara í eitthvað allt annað eins og að drfeifa honum flatt á alla lántaka. Með þessu hafa þau skapað falskar væntingar meðal heimila í skuldavanda sem síðan hefur leitt til þess að þau hafa ekki verið að taka á sínum málum eins og annars hefði orðið. Það hvernig þessi samtök hafa með ósanngjörnum hætti með útúrsnúningum á staðreyndum talað niður þær lausnir sem gripið hefur verið til hefur einnig leitt til þess að mörg heimili hafa ekki þegið úrræði sem lhefði getað bætt stöðu þeirra og það í sumum tilfellum verulega. Það hafa þúsundir heimila náð að koma sér út úr alvarlegum skudlavanda með því að nýta sér þau úrræði sem stjórnvöld hafa boðið uppá og þau heimili hefðu getað orðið mun fleiri ef ekki hefði komið til ómálefnanleg gagnrýni á þessar lausnir sem latti fjölda heimila frá því að nýta sér þær.

Ég stend því fyllilega við orð mín um Hagsmunasamtök heimilanna enda eiga .þau þau orð skilið.  Í því efni skiptir engu máli hvort þar hafi menn unnið í sjállfboðavinnu eða ekki.

Hva orð þín um að taka upp annan gjaldmiðil sem einhverja lausn á okkar vandamálum þá segja þau allt sem segja þarf um það hversu fullkomlega þú er laus úr jarðsambandi í þessu máli. Það leysir nákvæmlega ekki neitt að skipta út gjaldmiðlinum en er aftur á móti mjög kostnaðarsöm aðgerð og mun ekki gera neitt annað en að minnka það litla traust sem er á gjaldmiðli okkar.

Sú staðreynd að ríkissjóðshalli hefur minnkað mikið, atvinnuleysi minnkað og að hagvöxtur sé komin á segir allt sem segja þarf um þá fullyrðingu þína að stjórnvöld séu ekki að byggja hér upp efnmahag þjóðarinnar. Sá árangur hefur náðst þrátt fyrir ótal hælbíta og skítkastara eins og þig og HH sem hafa ekki verið að gera neitt annað en að þvælast fyrir björgunaraðgerðum.

[Sigurður M Grétarsson, 28.8.2011 kl. 12:47]

Sigurður Haraldsson. Ef þú telur núverandi þingmenn vera spillta þá kýst þú bara aðra í næstu kosningum. Það er eina biltingin sem þarf að gera.

Þú verður nú að útskýra þetta betur með að verið sé að "tæma lífeyrissjóina að innan". Hverjir eru að ræna þaðan peningum og hvernig? Hvernig heldur þú að staðan væri þar ef tillögur HH um flata niðurfellingu lána hefði orðið ofaná?

Ég bíð enn eftir svari við spurningu minni frá því í gær kl. 09:15. Getur þú ekki svarað henni? Hún er ein af grundvallarpurningum í hugmyndumum nýtt húsnæðilánakerfi.

[Óskar Helgi Helgason (IP-tala skráð) 28.8.2011 kl. 14:08]

Komið þið sælir; enn !

Sigurður M Grétarsson !

Jú;jú, ''björgunaraðgerðirnar''eru svo GLÆSILEGAR, að liðónýtt Banka kerfið og aðrir stórsvindlarar, hafa tútnað út, sem aldrei fyrri.

Og; ekki má gleyma flíminu, varðandi Sjóvá tryggingar.

Þú kýst; að skauta ALGJÖRLEGA. fram hjá núverandi þjóðfélagsástandi, þar sem Skugga hliðin snýr, að Stjórnarráði og Alþingi - ekki; að fólkinu í landinu - en samt; lætur þú þig hafa það, líkt og Pétur Blöndal, og aðrir  áþekkir, að kenna vinnandi stéttum framleiðslu og þjónustu um, hversu komið er, en þú hlífir HRÆGÖMMMUNUM, á alla lund.

Hún er ekki stórmannleg; framsetning þín, til þeirra, sem lakast standa.

Mér dettur í hug; hvort þú hafir verið fjarverandi af landinu, síðan ósköp in dundu yfir, Haustið 2008 - eins; og málflutningur þinn, gæti gefið til kynna.

Hagsmunasamtök heimilanna; er samtök ALLRA heimila í landinu - ekki bara sumra, sem þér geðjast, að tengja pólitískum litum, eins og ykkur Jóhönnu og Steingríms og Péturs Blöndal liðum, er svo einkar þægilegt, þegar þið kjósið, að drepa umræðunni á dreif, um allar trissur.

Haldir þú áfram; að neita þeirri staðreynd, að Banka svindlarar og aðrir áþekkir, standi Jóhönnu og Steingrími framar, fyrir hugskotssjónum, en að koma þeim , sem RAUNVERULEGA þurfa hjálpar við, læt ég þessarri umræðu lokið, af minni hálfu - enda; til einskis, sökum hártogana, sem lítils skilnings, á minni málafylgju, fram til þessa.

Eftirlæt; Sigurði nafna þínum Þingeyingi - og síðuhafa, sem öðrum, andsvörin, þér til handa, sýnist mér verða, að óbreyttu - og eftirleiðis, í þessarri umræðu, að minnsta kosti.

Með þei sömu kveðjum - sem áður /

Óskar Helgi Helgason 

[Sigurður Haraldsson, 28.8.2011 kl. 17:02]

Ekki hægt að bíða til næstu kosninga það er okkur of dýt, atvinnulausum hefur fjölgað vegna brottfluttra einstaklinga sem geta ekki verið hér á landi vegna stjórnarhátta og vonlausrar stefnu. Sigurður ég skulda ekki krónu en sé það sem er að gerast í lánamálum okkar það er þeir sem taka lánin fyrir húsnæði og fyrirtækjarekstri geta ekki borgað þau nema að hafa yfir 500 þúsund á mánuði sem einstaklingur eða rekstri sem rakar að fé þá oft á vafasömum grunni og jafnvel með skattsvikum til að geta borgað! Landið okkar er á villigötum þú veist það Sigurður jafn vel og ég. Lífeyrirssjóðirnir eru reknir af nokkrum einstaklingum sem halda að þeir eigi peninginn sem þeir maga með til dæmis að kaupa i Iceland Air fyrir fram dauðadæmd fjárfesting að fjárfesta í fyrirtæki sem er með flugrekstur á okkar tímum kreppu, launin sem topparnir hafa eru ein og sér rán innanfrá það er klárt því að það væri hægt að borga 20 þúsund einstaklingum lífeyri á ári með þeim peningum sem fara í rekstur sjóðana þetta er að éta þá innanfrá ásamt lækkandi innkomum vegna brottfluttra og þeirra sem eru atvinnulausir á lágmarks bótum sem skila litlu inn í kerfið!