Þarna er staðurinn sem ég hef varað við!

Bárðarbunga er sá staður sem ég hef séð byrja stóru hamfarirnar á öræfum og varað við henni nú í nokkur ár við dræmar undirtektir samlanda minna. Vanmat stjórnvalda á þessu svæði er nær algert sem dæmi þá er ekki komið líkan á flóði nema 50% af vatnasviði Jökulsár á Fjöllum en ekkert líkan af vatnasvæði Skjálfandafljóts. Byggð er í mikilli hættu svo mikilli að ráðamönnum sýnist bara best að ræða það ekki heldur láta þá sem eru við vatnasvæðin hlaupa í allar áttir í bik svörtum öskumekki þegar flóðið kemur. Full ástæða er til undirbúnings hugsanlegs hlaups nú þegar það er allt allt of seint að gera það þegar gos er hafið! Von mín er að þessi hrina leiði ekki til eldgoss undir ís en jafnframt að hún leiði til þess að ráðamenn opni augun fyrir þeirri staðreynd að þau munu koma innan tíðar og þá er gott að vera tilbúinn.

Ekkert lát á skjálftavirkninni

Athugasemdir

[Kristján B Kristinsson (IP-tala skráð) 19.8.2014 kl. 09:50]

Sæll Siguður, það er eins og þessir latte lepjandi ráðamenn á 101 átti sig bara ekki á því hvar þeir búa og haldi að líklega sé síðasta eldgos á Íslandi þegar gosið.

Þetta fólk virðist halda að best sé bara að halda sig í Reykjavík og það þurfi ekki neinar rýmingaráætlanir þar, eins og það er nú skynsamlegt.

Við kverju er að búast af fólki sem álítur að ekki megi skjóta Ísbirni sem þvælast hingað af því að þeir séu svo sætir, nánast gæludýr eða gagnrýnir einhvern  mann sem kláraði hálfdauðan ref með spýtu.

Það er ekki við því að búast að lið sem varla hefur nokkurn tímann hendi difið í kalt vatn og varla farið lengra frá 101 en rétt upp fyrir ártúnsbrekku beri nokkurt skynbragð á hvað þú ert að segja.

[Sigurður Haraldsson, 19.8.2014 kl. 10:04]

Sæll, tilfinning mín er í þá átt.

[Heiðrún (IP-tala skráð) 19.8.2014 kl. 15:51]

Sæll Sigurður. Hvaða byggð telur þú að sé nú í hættu og hvað þarf að gera til að vera viðbúinn? Hvar á að rýma og á hvaða tímapunkti?